.jpg)
នេះជាម្ហូបពេញនិយមរបស់បងប្អូននៅស្រុកទ្រាំងកម្ពុជាក្រោម ។ ក្លិនឈ្ងុយឈ្ងប់ឆ្ងាញ់ពិសា ងាយស្រួលធ្វើ ។សាច់គោត្រូវដាក់អាំងល្មមឆ្អិន ទឹកត្រីម្ទេសហឹរៗនាំមកឱ្យអ្នកបរិភោគនូវរសជាតិប្លែក មិនអាចបំភ្លេចបាន ។
ក-គ្រឿងផ្សំ
សាច់គោសុទ្ធ 0,5kg នំបញ្ចុក ល្ង ខ្ទឹមក្រហមចិញ្ច្រាំ ប្រេងឆា ស្ករ អំបិល ម្ស៉ៅ ខ្ទឹមស ស្លឹកគ្រៃចិញ្ច្រាំឱ្យម៉ត់ ។
ខ-របៀបធ្វើ
-សាច់គោលាងឱ្យស្អាត ហាន់បន្ទះស្តើងៗល្មមមាត់ ។ ប្រឡាក់សាច់គោនិងគ្រឿងគ្រៃម៉ត់ និង ល្ង ។ ត្រូវលាយឱ្យសព្វនិងប្រេងឆាហើយទុកមួយអន្លើ ឱ្យសាច់គោស្រូបជាតិពីគ្រឿងគ្រៃ ។
-ជីរគ្រប់មុខលាងឱ្យស្អាត ត្រសក់ហាន់បន្ទះវែងៗ ។
-លាយទឹកជ្រលោះ : កាពិះសុទ្ធមួយចាន ខ្ទឹមស ម្ទេសទាំងផ្លែស្លឹកគ្រៃបុកឱ្យម៉ត់ ។ ម្នាស់ ¼ ផ្លែចិញ្ច្រាំឱ្យតូចៗ ហើយលាយនិងកាពិះ លាយទឹកក្តៅមួយចានឱ្យល្បាយរាវបន្តិច ច្របាច់ក្រូចឆ្មារលាយនិងស្ករភ្លក្សឱ្យល្មមមាត់ ។
-បង្កាត់ចង្ក្រានធ្យូងឱ្យឆេះល្អ យកសន្លឹកក្បឿងស្អាតដាក់ពីលើពេលក្តៅល្អត្រូវច្រូចប្រេងឆាឡើង តមកដាក់បន្ទះសាច់គោឡើងអាំង ។ អាំងឆ្អិនដាក់តម្រៀបលើចានកំផ្លាត រមូលនំអង្គរ (បាញ់ត្រាង) និងសាច់គោ ព្រមទាំងជីរគ្រប់មុខនិងបញ្ចុកជ្រលោះទឹកត្រី ប្រាកដជាឆ្ងាញ់ ។
0 comments:
Post a Comment