អ្វីដែលអ្នកបានដាក់ ក្នុងចានអាហាររបស់អ្នក គឺអាចមានឥទ្ធិពលមកលើ ស្បែករបស់អ្នក ក៏ដូចជា ប្រភេទក្រែម ថែទាំស្បែកដែល អ្នកបានប្រើប្រាស់ផងដែរ។ ចូរស្វែងរកថា គ្រូពេទ្យជំនាញរោគសើរស្បែក ធ្វើការណែនាំអ្នក នូវអ្វីដែលអ្នក គួរទទួលទាន ដើម្បីបាននូវសុខភាពដែលមានសុខភាពល្អ និង ស្រស់ថ្លា។
លោកស្រីវេជ្ជបណ្ឌិត ជេស៊ីការ វូ ( Jessica Wu) ជំនួយការសាស្ត្រាចារ្យ នៃមន្ទីរព្យាបាល ជំនាញរោគសើរ ស្បែក នៅសាលា វេជ្ជសាស្ត្រ USC និង ជាវេជ្ជបណ្ឌិតជំនាញរោគសើរស្បែក នៅក្នុងទីក្រុង Los Angeles បាននិយាយថា ប្រសិនបើអ្នកចង់បានស្បែកទន់រលោង និង ស្រស់ថ្លា នោះអ្នកគួរតែ បន្ថែមនូវអាហារទាំង ៦ប្រភេទនេះ ដែលជួយចិញ្ចឹមស្បែកមុខរបស់អ្នក អោយបានល្អ។
ផ្លែប៉េងប៉ោះ
ជាការពិត ការ ការពារដ៏ប្រសើរបំផុត របស់ស្បែកអ្នកនោះគឺ ផ្លែប៉េងប៉ោះ ដែលវាមានផ្ទុកសារជាតិប្រឆាំង ប្រតិកម្មអុកស៊ីត យ៉ាងមានឥទ្ធិពល ដែលត្រូវបានគេហៅថា lycopene ។ ខណៈពេលដែលការសិក្សា មិនទាន់បាន ធ្វើការសរុបសេចក្តីបានទាំងស្រុងនៅឡើយ មានភស្តុតាងជាច្រើន បានបង្ហាញថា ជាតិ lycopene នេះគឺអាចមាន ទំនួលខុសត្រូវ ក្នុងការជួយការពារ ស្បែកអ្នក ប្រឆាំងនឹងការបំផ្លាញពីពន្លឺព្រះអាទិត្យ។
ជាតិ lycopene ត្រូវបានបឺតស្រូបបានយ៉ាងល្អ នៅក្នុងរាងកាយ នៅពេលដែលវាត្រូវបានចំអិន ឬ បានទទួលទាន នោះ ដូច្នេះ ការទទួលទាន ទឹកប៉េងប៉ោះ, ម្ស៉ៅប៉េងប៉ោះ ឬ ទឹកជ្រលក់ប៉េងប៉ោះនេះ គឺហាក់នឹង មានប្រសិទ្ធភាព ជាងការញុំាផ្លែប៉េងប៉ោះឆៅ នៅពេលដែលអ្នកចង់ ការពារស្បែកអ្នក ប្រឆាំងនឹងកាំរស្មី ប៉ះពាល់ UV ។ សារជាតិនេះ ក៏ជាជាតិខ្លាញ់ដែលមានការរលាយផងដែរ ដែលវាមានន័យថា វាត្រូវបានបឺតស្រូបបានយ៉ាង ងាយស្រួល នៅពេលដែលអ្នកបានប្រើប្រាស់វាជាមួយនឹង ខ្លាញ់ ដូចជា៖ ស៊ុត, ផ្លែបឺរ និង ប្រេងអូលីវ។
សាច់ពណ៌ក្រហម
ពេលខ្លះវាអាចផ្តល់នូវផលមិនល្អ ហើយបើទោះបីជាគេបានគិតថា សាច់ពណ៌ក្រហមមានផ្ទុក ខ្លាញ់ដែល អាចរលាយបាន និង ជាតិកូឡេស្តេរ៉ូល សាច់ដែលគ្មានខ្លាញ់ពណ៌ក្រហម គឺជាអាហារដ៏ប្រសើរសម្រាប់ចិញ្ចឹម បំប៉នស្បែកមុខអ្នក ដោយសារតែវាមានផ្ទុក ជាតិប្រូតេអ៊ីន និង ស័ង្កសីខ្ពស់។ ជាការពិត ការសិក្សានាពេលថ្មីៗនេះ បានបង្ហាញថា សាច់ពណ៌ក្រហម គឺអាចនឹងមានភាពប្រសើរជាង ថ្នាំអង់ទីប៊ីយូទិក ក្នុងការព្យាបាលមុន។
ដើម្បីបង្កើតជាតិកូឡាជែន ( collagen) ស្បែករបស់អ្នក ត្រូវការអាមីណូអាស៊ីត គឺ glycine និង proline ហើយ ជាតិប្រូតេអ៊ីនដែលមាននៅក្នុង សាច់ពណ៌ក្រហម មានកំហាប់នូជាតិអាមីណូអាស៊ីតទាំងពីរប្រភេទនេះ យ៉ាងខ្ពស់។ ជាតិរ៉ែស័ង្កសី ក៏ផ្តល់អត្ថប្រយោជន៍ ដល់ការបង្កើតជាតិកូឡាជែននេះផងដែរ។ វាគឺជាកត្តារួមផ្សំដ៏ សំខាន់មួយ។ បើមិនមានជាតិស័ង្កសីនេះ គ្រប់គ្រាន់នោះទេ នោះវាពិតជាមានភាពពិបាក សម្រាប់ស្បែក ក្នុងការ បង្កើតជាតិកូឡាជែន។ លើសពីនេះទៅទៀត ជាតិស័ង្កសីនេះ គឺជាការប្រឆាំងនឹងការរលាកតាមបែបធម្មជាតិ ។ ហើយអ្នកដែលញុំាបួស គឺមិនត្រូវខកខានវានោះទេ។ វាក៏អាចត្រូវបានរកឃើញផងដែរ នូវជាតិ glycine នៅក្នុងអាហារគ្រឿង សមុទ្រនិង ជាតិ proline នៅក្នុងហ្វ្រូម៉ាស់ និង ស្ពៃក្តោប និង ជាតិស័ង្កសីនៅក្នុងគ្រាប់ សណ្តែក, និង លាសសមុទ្រឆៅ ។
តែបៃតង
វាគ្មានអថ៌កំបាំងនោះទេ ដែលថា តែបៃតងគឺជាសារធាតុប្រឆាំងប្រតិកម្មអុកស៊ីតនោះ ។ វាមានឥទ្ធិពល ប្រឆាំងនឹងការលាក និង អាយុកាលបានយ៉ាងមានប្រសិទ្ធភាព ដែលវាមានចំណែកមកពី កំហាប់ដ៏ខ្ពស់នៃ ការលាយបញ្ចូលគ្នា នៃ catechin ។ ការសិក្សាបានបង្ហាញថា តែបៃតងអាចប្រើបានទាំងតាមរយៈការផឹក និង បិទ នៅផ្នែកខាងក្រៅ ក្នុងការជួយការពារស្បែក ពីការរលាករបស់ព្រះអាទិត្យ និង មហារីកស្បែក ដែលមានប្រភពមក ពីកាំរស្មី UV ។ការសិក្សាស្រាវជ្រាវ ក៏បានបង្ហាញផងដែរថា ការផឹកទឹកតៃបៃតង អោយបានពីរកែវ ក្នុងមួយថ្ងៃ ក្នុងរយៈពេល៦ខែ គឺអាចនឹងសម្រាលនូវការបំផ្លាញរបស់ស្បែក ដោយសារកំដៅព្រះអាទិត្យ និង ជាពិសេស វាអាចជួយធ្វើអោយ បញ្ហាដែលអ្នកមានដូចជា ស្បែកក្រហម និង ការដាច់សសៃវ៉ែនតូចៗ មានភាពប្រសើរឡើង វិញ។
សណ្តែកពណ៌បៃតង
តាមដែលយើងចូលចិត្តនូវភាពស្រស់ថ្លាបំព្រង នោះយើងអាចនិយាយបានពី អត្ថប្រយោជន៍នៃសណ្តែក ពណ៌បៃតង ដែលវាមានជាតិកាឡូរីទាប និង ជួយអោយអ្នកដុះសក់ក្រាស់ជាងមុន និង សុខភាពរបស់ក្រចកអ្នក បានប្រសើរផងដែរ។ សណ្តែកខៀវគឺជាអាហារដ៏ពិសេស ក្នុងការចិញ្ចឹមស្បែកមុខរបស់អ្នក តាមដែលវាជាប្រភព មួយដ៏ល្អ នៃពពួក silicon ( កុំច្រលំនេះ មិនមែនជា silicone ដែលគេប្រើសម្រាប់ការកែសម្ភស្សនោះទេ) ។ USDA មិនទាន់បានធ្វើការណែនាំនូវការប្រើប្រាស់ សារជាតិនេះជាប្រចាំថ្ងៃនៅឡើយទេ ប៉ុន្តែការទទួលវាបាន ១០មីលីក្រាម ក្នុងមួយថ្ងៃ គឺហាក់នឹងគ្រប់គ្រាន់ ក្នុងការជួយពង្រឹងដល់ សុខភាពសក់ និង ក្រចករបស់អ្នក នេះ បើយោងតាមសំដីរបស់វេជ្ជបណ្ឌិត វូ ដែលបានណែនាំដល់ការ ជ្រើសរើសយកសណ្តែក ខៀវនេះ ដោយសារតែវា មានផ្ទុកសារជាតិ siliconជាច្រើន ពីក្នុងដីមក។
ផ្លែវ៉ាល់ណាត់
ជាធម្មតា មានតែត្រីសាម៉ុង នោះទេដែលមានលក្ខណៈស្រដៀងគ្នាទៅនឹង អាស៊ីតខ្លាញ់អូមេហ្គា ៣ ប៉ុន្តែតើអ្នក មានដឹងទេថា ផ្លែវ៉ាល់ណាត់ ក៏មានជាតិអូមេហ្គា ៣នេះខ្ពស់ផងដែរ? ប្រសិនបើអ្នកមានការព្រួយបារម្ភពី ភាពក្រ ហមរោល, ស្នាមជាំ, មុន ឬ ស្នាមជ្រាវជ្រួញនៅលើស្បែកមុខនោះ ផ្លែវ៉ាល់ណាត់ គឺជាមិត្តដ៏ល្អរបស់អ្នក។ ផ្លែរុក្ខជាតិដែលមានផ្ទុកសារជាតិអូមេហ្គា ៣នេះ ដូចដែលយើងបានរកឃើញនៅក្នុងផ្លែវ៉ាល់ណាត់ គឺជាសារធាតុ ប្រឆាំងនឹងការរលាកតាមបែបធម្មជាតិ ពួកវាអាចជួយបញ្ចូលនូវជាតិសំណើម ចូលទៅក្នុងស្បែក និង ការពារវាពី សារជាតិគីមី ឬ ជាតិពុលផ្សេងទៀត។ ជាពិសេស ជាតិ alpha- linolenic acid (ALA ) ដែលមាននៅក្នុង អូមេហ្គា៣ ទាំងនេះ គឺអាចប្រឆាំងនឹង ភាពស្ងួត ដែលមានបណ្តាលមកពីការកើនឡើងនៃអាយុ និង នាំអោយមានស្នាមជ្រាវ ជ្រួញ។ ប៉ុន្តែអ្នកមិនត្រូវបញ្ឈប់ការទទួលផ្លែឈើនេះទេ អ្នកក៏អាចបន្ថែមនូវបរិមាណនៃប្រភេទរុក្ខជាតិផ្សេងទៀត ដែលមានជាតិអូមេហ្គា ៣នេះ ទៅក្នុងរបបអាហាររបស់អ្នក ដូចជា ផ្លែអាល់មុន, ប្រេងអូលីវ ជាដើម។
ទឹកយ៉ាអួ
វាមិនត្រឹមតែជាគ្រឿងផ្សំដ៏សំខាន់ នៃភាពទន់រលោងនោះទេ ទឹកយ៉ាអួ ក៏ជាសារជាតិ probiotic ពីធម្មជាតិ ដែលវាមានន័យថា វាជួយបណ្តុះនូវ បាក់តេរីល្អនៅក្នុងរាងកាយអ្នក និង រក្សានូវពពួកផ្សិត ក្នុងបរិមាណកំណត់ មួយ។ វាពិតជាមានអត្ថប្រយោជន៍ ប្រសិនបើអ្នកកំពុងមានបញ្ហា ក្រពះពោះវៀន ឬ រងនូវការចំលងរោគរបស់ ពពួកផ្សិតនោះ ប៉ុន្តែតើវាអាចជួយដល់ស្បែកមុខរបស់អ្នក បានដោយរបៀបណា? យោងតាមសំដីរបស់វេជ្ជបណ្ឌិត វូ ទឹកយ៉ាអួ គឺជាប្រភពអាហារដ៏ល្អក្នុងការចិញ្ចឹមស្បែកមុខរបស់អ្នក និង ក្នុងការដោះស្រាយនឹងបញ្ហាមុន, ត្រអក និង ថែមទាំងអង្គែទៀតផង។ អ្នកគ្រាន់តែប្រាកដថា បានជ្រើសរើសនូវ ទឹកយ៉ាអួ ដែលមានខ្លាញ់ទាប និង ជាតិស្ករតិច ពីព្រោះថាជាតិស្ករ អាចបង្កើននូវកម្រិតនៃការ រលាក។ ហើយប្រសិនបើអ្នក គិតថា ការផ្ទុះចេញមុននេះ មានទំនាក់ទំនងទៅនឹង ផលិតផលដែលធ្វើពីទឹកដោះគោ នោះអ្នកត្រូវទុកទឹកយ៉ាអួទៅមួយ ចំណែក និង ប្រើនូវសារជាតិបន្ថែមពពួក probiotic ជំនួសវិញ។
0 comments:
Post a Comment