ឆាមឹកម្រេចម៉ត់ជាអាហារឆ្ងាញ់ប្រចាំគ្រួសារ

អាហារឆ្ងាញ់ចូលរួមចំណែកយ៉ាងសំខាន់ ក្នុងការផ្តល់សុភមង្គលដល់ក្រុមគ្រួសារ។ ប៉ុន្តែយ៉ាងណាក៏ដោយស្រ្តីមេផ្ទះជាច្រើនតែងកង្វល់បញ្ហាធ្វើអាហារឆ្ងាញ់ តែបើចង់បានជំនាញធ្វើម្ហូបខាងលើ គ្រាន់តែសាកល្បងតាមវិធីងាយៗដូចខាងក្រោម៖

គ្រឿងផ្សំៈ
មឹកបន្ទះធំល្អកន្លះគីឡូ ,ប្រេងឆា៣ស្លាបព្រា , ខ្ទឹមស៤ដុំបកសំបកចញ្ផ្រាំអោយម៉ត់ , ស្ករសកន្លះស្លាបព្រាកាហ្វេ, អំបិល២ស្លាបព្រាកាហ្វេ,ទឹកក្រូចឆ្មា២ស្លាបព្រាកាហ្វេ , ក្រូចឆ្មា២-៣ចំណិត , ម្រេចម៉ត់១ស្លាបព្រាកាហ្វេ , សាលាដ១៥ក្រាម , ប៉េងបោះហាវៃ១០០ក្រាមជាការស្រេច។

វិធីធ្វើៈ
លាយបញ្ចូលគ្នាមឹក ប្រេងឆា ខ្ទឹមស -ស្ករសនិងអំបិល(កន្លះស្លាបព្រាកាហ្វេ)-និងម្រេចគ្របទុក២០នាទីអោយចូលជាតិគ្នា។ បន្ទាប់មកដាក់ខ្ទះអោយក្តៅ ឆាមឹកដែលបានលាយគ្រឿងរួច ដោយកំដៅភ្លើងខ្លាំង១-២នាទី ឬរហូតមឹកប្រែពណ៌សបន្តិច រួចរក្សាភ្លើងដដែល (កុំចំអិនមឹករហូតដល់ក្រៀម) រួច ចាក់ទឹកក្រូចឆ្មា-អំបិល-ម្រេចនោះលោកអ្នកនឹងទទួលបានអាហារឆ្ងាញ់តែម្តង។