ខាត់ណារស់ជាតិជូរហិរ

គ្រឿងផ្សំ៖

សាច់គោ២ខាំ ចិតជាបន្ទះស្តើងៗ
ខាត់ណា៣ខាំ ចិតសំបកចេញហើយកាត់ជាកង់ៗ(៤ស.ម)
ប្រេងខ្យង២ស្លាបព្រាបាយ
ប្រេងឆា២ស្លាបព្រាបាយ
ទឹក ៨០០មល

គ្រឿងផ្សំសំរាប់ទឹកជ្រលក់ជូរហឺរ

ខ្ទឹមស៦កម្ពឹស ហាន់ស្តើងៗ
ខ្ទឹមក្រហម២មើម ហាន់ស្តើងៗ
ម្ទេស ២ផ្លែ ហាន់កង់ៗ
ទឹកក្រូចឆ្មារ៣ស្លាបព្រា
ទឹកត្រី៣ស្លាបព្រា
ស្កសរ២ស្លាបព្រាបាយ
អំបិល កន្លះស្លាបព្រាកាហ្វេ
ម្សៅស៊ុបខ្នរ១ស្លាបព្រាកាហ្វេ

ការរៀបចំ

យកឆ្នាំងមួយដាក់ទឹកហើយដាំអោយពុះ ហើយដាក់អំបិល១ចិប(ចុងម្រាមដៃ)ចូលហើយនឹងប្រេងឆា ២ ៣ តំណក់
បន្ទាប់មកដាក់ខាត់ណាចូល ត្រាំ ២ ៣ វិនាទីហើយសំរិតទឹកចេញ
ចាក់ទឹកធម្មតាចូល ហើយត្រាំ៥នាទីសឹមសំរិតទឹកចេញ។
យកចានគោមមួយដាក់ខ្ទឹមស ខ្ទឹមក្រហម ម្ទេស ទឹកក្រូចឆ្មារ។ ហើយត្រាំចោល ៥នាទី ធ្វើដូច្នេះវានឹងបន្ថែមរសជាតិនិងក្លិនឈ្ងុយរបស់ខ្ទឹម។
បន្ទាប់មកដាក់ស្កសរ ទឹកត្រី អំបិល ម្សៅស៊ុបខ្នរ រួចកូរអោយសព្វល្អ។ មួយចាននេះហើយហៅថាទឹកជ្រលក់ជូរហឺរ។
នៅក្នុងខ្ទះឆា ដាកប្រេងឆាហើយកំដៅអោយក្តៅ បន្ទាប់មកដាក់សាច់គោ។ ឆារហូតសាច់គោឡើងពណ៌ត្នោត(ស្ទើឆ្អិន)ទាំងសងខាង។
ដាក់ប្រេងខ្យង នៅពេលដែលសាច់គោជិតឆ្អិន ហើយកូររហូតដល់វាឆ្អិនល្អ
នៅពេលដែលសាច់គោជិតឆ្អិន គួរតែឆ្លៀតរៀបចំខាត់ណាក្នុងចានអោយហើយ
ហាន់សាច់គោអោយសមល្មមងាយស្រួលក្នុងការបរិភោគ រូចរៀបវាជាមួយខាត់ណា
ស្រោចទឹកជ្រលក់ហឺរខាងលើពីលើចានខាត់ណាសាច់គោ
រួចហើយយកទៅញ៉ាំជាមួយបាយពិតជាមានរសជាតិឆ្ងាញ់៕