នៅពេលខែរងាចូលមកដល់ មិត្តអ្នកអានតែងមានអារម្មណ៍ថា បបូរមាត់ចាប់ផ្ដើមស្ងួត និង ប្រេះ ព្រោះតែអាកាសធាតុត្រជាក់ និង គ្មានសំណើម។ ប្រិយមិត្តភាគច្រើនតែងយល់ថា បើមាត់បាត់បង់ជាតិសំណើម ច្រើនតែលិទ្ធបបូរមាត់ដើម្បីឲ្យមាត់មានសំណើមឡើងវិញ។ ប៉ុន្តែទង្វើបែបនេះនឹងធ្វើឲ្យបបូរមាត់របស់អ្នកកាន់តែប្រេះថែមទៀត។
វិធីដោះស្រាយបញ្ហានេះគឺងាយស្រួលទេ ហើយក៏មិនចាំបាច់ចំណាយអីច្រើនពេកដែរ។ ខាងក្រោមនេះនឹងបង្ហាញជូននូវវិធីងាយៗទាំងនោះ៖
១. សម្អាតស្បែកដែលងាប់ ឬប្រេះនោះចេញ៖
ដោយប្រើកូនកន្សែងជ្រលក់ទឹក ហើយមកជូតថ្នមៗលើបបូរមាត់ដើម្បីជម្រុះកោសិកាចាស់ដែលងាប់ដោយសារការស្ងួត និងប្រេះបបូរមាត់នោះ។ ក្រៅពីនេះ អ្នកអាចយកច្រាស់ដុសធ្មេញមកដុសថើៗលើបបូរមាត់ ក៏អាចជួយជម្រុះស្បែកទាំងនោះបានដែរ។ បន្ទាប់ពីដុសហើយ យកក្រែមរលោងមកលាប ដើម្បីឲ្យបបូរមាត់មានសំណើមឡើងវិញ។
២. ញ៉ាំទឹកឲ្យបានច្រើន៖
ទោះបីសភាពខាងក្រៅបញ្ជាក់ថា ត្រជាក់ តែផ្នែកខាងក្នុងខ្លួនរបស់អ្នកគឺក្ដៅ ទើបធ្វើឲ្យបបូរមាត់ទៅជាប្រេះបែបនេះ។ វិធីសាស្ត្រដ៏ល្អ គឺញ៉ាំទឹកឲ្យបានច្រើន ព្រោះរាងកាយរបស់អ្នកកំពុងតែត្រូវការជាតិទឹក។
៣. ញ៉ាំផ្លែឈើដែលមានជាតិទឹកច្រើន៖
បើអ្នកមិនចង់ញ៉ាំទឹកច្រើនទេ អ្នកអាចងាកមករកបន្លែ ផ្លែឈើណាដែលផ្ទុកជាតិទឹកជំនួសក៏បាន។ ការញ៉ាំបន្លែ ផ្លែឈើទាំងនោះអាចចូលទៅរក្សាតុល្យភាព pH ក្នុងខ្លួនរបស់អ្នកឲ្យកម្រិតជាតិអំបិលមានសភាពគ្រប់គ្រាន់ តាមធម្មតាឡើងវិញ។
៤. ប្រើប្រទាលកន្ទុយក្រពើ៖
ប្រទាលកន្ទុយក្រពើ មានផ្ទុកសារធាតុសំខាន់ និង ជាឱសថដ៏មានប្រសិទ្ធភាពក្នុងការព្យាបាលបបូរមាត់ប្រេះ។ វាជួយពង្រឹងស្រទាប់ប្រេងការពារដែលស្ដើងលើបបូរមាត់ និងព្យាបាលភាពស្ងួតលើបបូរមាត់បាន។
៥. ចៀសវាងការលិទ្ធមាត់ញឹកញាប់៖
សារធាតុដែលមានក្នុងទឹកមាត់នឹងធ្វើឲ្យស្បែកបបូរមាត់ឡើងស្ងួត និងកាន់តែប្រេះដល់ចេញឈាមផង។ ដូច្នេះ អ្នកកុំគប្បីលិទ្ធមាត់ញឹកពេក តែអាចប្រើប្រេងរលោងមកលាបបបូរមាត់ បើមានអារម្មណ៍ថាស្ងួតមាត់ខ្លាំង។
0 comments:
Post a Comment